ಕಾವ್ಯ ಸಂಜೆಯು ಶಾಂತಿ, ಪ್ರೀತಿ, ಬಂಧುತ್ವ, ಸ್ನೇಹ ಮತ್ತು ಪ್ರಕೃತಿಗಳ ಸಂಬಂಧಗಳ ಬಗ್ಗೆ ಮಾತನಾಡುತ್ತದೆ ಹಾಗೂ ನಮ್ಮ ಸಮಾಜದಲ್ಲಿ ಪ್ರತಿದಿನವೂ ಎದುರಾಗುವ, ಹಿಂಸೆಯಿಂದ ಉಂಟಾಗುವ ಗಾಯಗಳಿಗೆ ಕಾವ್ಯದ ಮೂಲಕ ಚಿಕಿತ್ಸೆ ಹುಡುಕುತ್ತದೆ. ಕಾವ್ಯ ಸಂಜೆಯನ್ನು ನಾನು( ಮಮತಾ ಸಾಗರ್, ಕನ್ನಡದ ಕವಿ) 2013ರಲ್ಲಿ ಬೆಂಗಳೂರಿನಲ್ಲಿ ಪ್ರಾರಂಭಿಸಿದೆ ಮತ್ತು ಜನವರಿ 2019ರಲ್ಲಿ ಇದನ್ನೊಂದು ಟ್ರಸ್ಟ್‌ ಆಗಿ ನೋಂದಾಯಿಸಲಾಗಿದೆ.  ಕನ್ನಡದ ಯುವ ಕವಿಗಳ ಅಭಿವ್ಯಕ್ತಿಯನ್ನು ಕನ್ನಡದ ಅಂಗಳದಿಂದಾಚೆಗೂ ವಿಸ್ತರಿಸುವ ಮತ್ತು ತಲುಪಿಸುವ ಉದ್ದೇಶದಿಂದ  ಕಾವ್ಯಸಂಜೆಯನ್ನು ಆರಂಭಿಸಲಾಯಿತು.
ಕಾವ್ಯದ ಮೂಲಕ ಎಲ್ಲ ಬಗೆಯ ಜನರನ್ನು ತಲುಪುವ ಬಹುಭಾಷಾ ವೇದಿಕೆಯಾಗಿ ಕಾವ್ಯಸಂಜೆಯನ್ನು ವಿನ್ಯಾಸಗೊಳಿಸಿದ್ದೇವೆ. ಇಂದು ಕಾವ್ಯಸಂಜೆಯು  ಕನ್ನಡಿಗರಿಗೂ, ಕನ್ನಡೇತರರಿಗೂ, ಕನ್ನಡವೇ ತಿಳಿಯದವರಿಗೂ ಅಭಿವ್ಯಕ್ತಿಯ ತಂಗುದಾಣವಾಗಿದೆ.